ठाणे – बोरिवली दुहेरी बोगदा प्रकल्पाचा ऐतिहासिक प्रवास

ठाणे - बोरिवली दुहेरी बोगदा प्रकल्पाचा ऐतिहासिक प्रवास

मुंबई आणि ठाणे या दोन प्रमुख शहरांमधील वाहतूक कोंडी फोडण्यासाठी आणि प्रवासाचा वेळ वाचवण्यासाठी ‘ठाणे – बोरिवली दुहेरी बोगदा प्रकल्प’ (Twin Tube Tunnel Project) हा पायाभूत सुविधा क्षेत्रातील एक मैलाचा दगड ठरत आहे. संजय गांधी राष्ट्रीय उद्यानाच्या खालून जाणारा हा ठाणे-बोरिवली बोगदा देशातील सर्वात लांब नागरी रस्ते बोगदा प्रकल्प आहे. सुमारे ११.८५ किमी लांबीचा हा महत्त्वाकांक्षी प्रकल्प केवळ दोन शहरांमधील अंतर कमी करणार नाही, तर इंधनाची बचत आणि प्रदूषण नियंत्रणातही मोठे योगदान देणार आहे. या महत्त्वाकांक्षी प्रकल्पामध्ये महाराष्ट्राचे इन्फ्रा मॅन मुख्यमंत्री देवेंद्र फडणवीस यांचे योगदान अत्यंत मोठे आणि महत्त्वपूर्ण राहिले आहे. २०१५ मध्ये त्यांच्याच कार्यकाळात या प्रकल्पाच्या प्रस्तावाला पहिली मंजुरी मिळाली आणि पुढे हा प्रकल्प मार्गस्थ लागला. त्यानंतरच्या काळातही प्रकल्पातील विविध तांत्रिक अडचणी सोडवणे, पर्यावरण व वन्यजीव मंडळाच्या मंजुऱ्या जलदगतीने मिळवून देणे, निधीची उपलब्धता आणि थेट टनेल बोरिंग मशीन (टीबीएम) ‘नायक’ द्वारे प्रत्यक्ष कामाचा शुभारंभ करून घेण्यात त्यांनी विशेष पाठपुरावा केला. १६,६०० कोटी रुपयांपेक्षा जास्त निधी आणि अत्याधुनिक तंत्रज्ञानाच्या जोरावर साकारत असलेल्या या प्रकल्पाचा २०१५ मधील संकल्पनेपासून ते २०२६ मधील प्रत्यक्ष खोदकामाच्या शुभारंभापर्यंतचा संपूर्ण प्रवास दर्शवणारी सविस्तर टाईमलाईन वाचा.

ठाणे – बोरिवली दुहेरी बोगदा प्रकल्पाची वैशिष्ट्ये

ठाणे – बोरिवली दुहेरी बोगदा प्रकल्पाची एकूण लांबी ११.८४ किमी आहे. ज्यामध्ये १०.२५ किमी लांबीचा दुहेरी बोगदा आणि १.५९ किमी लांबीचे जोड रस्ते समाविष्ट आहेत.
सध्या ठाणे ते बोरिवली प्रवासासाठी १ ते दीड तास लागतो. या भुयारी मार्गामुळे हे अंतर अवघ्या १५ मिनिटांत पार करता येणार.
या मार्गावरील वाहतुकीसाठी दोन स्वतंत्र बोगदे असणार आहेत. प्रत्येक बोगद्यात ३ लेन (२ ट्रॅफिक लेन आणि १ आपत्कालीन लेन) असणार.
हा मार्ग घोडबंदर रोड (ठाणे) ते वेस्टर्न एक्सप्रेस (बोरिवली) हायवे बोगदा असा असणार. ज्यामुळे मुंबई – ठाणे वाहतूक कोंडीवर उपाय मिळणार.
राष्ट्रीय उद्यानाला किंवा पर्यावरणाला बाधा पोहोचू नये म्हणून उन्नत टनल बोरिंग मशिनचा वापर केला जात आहे.
बोगद्यामध्ये आग प्रतिबंधक यंत्रणा, स्मोक डिटेक्टर्स आणि एलईडी माहिती फलक यांसारख्या आधुनिक सुविधा असणार आहेत.
या प्रकल्पाचा अंदाजित खर्च १६,६०० कोटी रुपये आहे.

महाराष्ट्राच्या पायाभूत विकासाची नवी झेप

अत्याधुनिक तंत्रज्ञान, पर्यावरणपूरक नियोजन आणि खंबीर राजकीय इच्छाशक्ती यांच्या बळावर साकारला जाणारा ठाणे – बोरिवली दुहेरी बोगदा प्रकल्प जेव्हा २०२८ मध्ये पूर्णत्वास येईल, तेव्हा तो मुंबई-ठाणेकरांचा प्रवास सुकर करण्यासोबतच देशातील सर्वोत्तम अभियांत्रिकी कौशल्याचे एक उत्तम उदाहरण म्हणून ओळखला जाईल.

ठाणे – बोरिवली दुहेरी बोगदा: मुंबईच्या वेगवान प्रवासाचा ‘ट्विन ट्यूब टनेल मार्ग’

मुंबई महानगर प्रदेशातील वाहतूक कोंडी फोडण्यासाठी, तासन्‌तास ट्रॅफिकमध्ये अडकणाऱ्या ठाणे-मुंबईकरांचा प्रवासातील वेळ वाचवण्यासाठी आणि इंधनाचा…

June 19, 2026

ठाणे – बोरिवली दुहेरी बोगदा प्रकल्पाचा ऐतिहासिक प्रवास