महाराष्ट्र शक्तीपीठ महामार्ग – पवनार ते गोवा महाराष्ट्राच्या आर्थिक व ग्रामीण विकासाचा राजमार्ग!

महाराष्ट्र शक्तीपीठ महामार्ग - पवनार ते गोवा महाराष्ट्राच्या आर्थिक व ग्रामीण विकासाचा राजमार्ग!

हिंदुहृदयसम्राट बाळासाहेब ठाकरे महाराष्ट्र समृद्धी महामार्गाच्या धर्तीवर देवेंद्र फडणवीस सरकारने राज्यातील धार्मिक, सांस्कृतिक आणि आर्थिक विकासाचा व्यापक दृष्टिकोन ठेवत ‘महाराष्ट्र शक्तीपीठ महामार्ग’ (नागपूर-गोवा द्रुतगती मार्ग) या महत्त्वाकांक्षी सुपर कम्युनिकेशन एक्सप्रेस-वे प्रकल्पाची घोषणा केली. पवनार (जिल्हा वर्धा) येथून सुरू होणारा आणि पत्रादेवी (जिल्हा सिंधुदुर्ग, महाराष्ट्र-गोवा सीमेवर) समाप्त होणारा हा नागपूर गोवा शक्तीपीठ महामार्ग सुमारे ८०२.५९ किलोमीटर लांबीचा असून, तो राज्यातील १२ जिल्ह्यांमधून जाणार आहे. नागपूर गोवा एक्सप्रेसवे हा महामार्ग महाराष्ट्रातील साडेतीन शक्तीपीठे, ३ ज्योतिर्लिंग, तसेच पंढरपूर, अंबाजोगाई, औदुंबर, गाणगापूर, अक्कलकोट, नरसोबाची वाडी, तख्त सचखंड श्री हुजूर साहिब (नांदेड) यासारखी एकूण १८ तीर्थस्थळे एकमेकांशी जोडणार आहे.

महाराष्ट्र शक्तीपीठ महामार्गामुळे (शक्तीपीठ एक्सप्रेसवे) विदर्भ, मराठवाडा आणि पश्चिम महाराष्ट्र हे एकमेकांना जोडले जाणार आहेत. यातून या तीन विभागांमध्ये नवीन इकॉनॉमिक कॉरिडॉर तयार होणार आहे. जो राज्यातील आर्थिक आणि पर्यटन विकासाला चालना देणारा ठरणार आहे. या प्रकल्पासाठी ८६,३०० कोटी रुपये खर्च अपेक्षित आहे. दरम्यान, राज्य सरकारने या प्रकल्पाच्या भूसंपादनासाठी २०,७८७ कोटी रुपयांची नुकतीच तरतूद केली आहे. या महामार्गामुळे नागपूर ते गोवामधील अंतर १८ तासांवरून फक्त ८ तासांवर येणार आहे. या प्रकल्पामुळे फक्त दळणवळणाची सुविधा होणार नाही, तर महाराष्ट्रातील पायाभूत सुविधा, धार्मिक पर्यटन, स्थानिक पातळीवर रोजगारनिर्मिती आणि सर्वांत महत्त्वाचे म्हणजे ग्रामीण भागातील विकासाला गती मिळणार आहे.

पवनार ते पत्रादेवी महामार्ग - महाराष्ट्रातील १२ जिल्हे, १८ तीर्थक्षेत्रांना जोडणारा महत्त्वाकांक्षी प्रकल्प

महाराष्ट्र शक्तीपीठ महामार्ग हा राज्याच्या सर्वांगीण विकासाच्या दृष्टिकोनातून महत्त्वाचा प्रकल्प आहे. धार्मिक, सांस्कृतिक, पर्यटन आणि आर्थिक विकास यांचा समन्वय साधणारा हा महामार्ग राज्यातील १२ जिल्हे आणि १८ तीर्थक्षेत्रांना जोडणारा राजमार्ग आहे. पवनार (वर्धा) ते पत्रादेवी (सिंधुदुर्ग) या ८०२.५९ किमीच्या मार्गामुळे विदर्भ, मराठवाडा आणि पश्चिम महाराष्ट्र हे तीन विभाग एकमेकांना जोडले जाणार आहेत. या प्रकल्पासाठी ८६,३०० कोटी रुपयांचा खर्च अपेक्षित असून, देवेंद्र फडणवीस सरकारने २०,७८७ कोटी रुपये भूसंपादनासाठी मंजूर केले आहेत. शक्तीपीठ महामार्गामुळे उभ्या महाराष्ट्राचे सामाजिक आणि आर्थिक चित्र बदलणार आहे. तसेच हा प्रकल्प राज्याच्या सर्वांगीण प्रगतीचा मेरुमणी ठरेल, असा विश्वास इन्फ्रा मॅन मुख्यमंत्री देवेंद्र फडणवीस यांना आहे.

शक्तीपीठ महामार्ग: सामाजिक, आर्थिक आणि पर्यटनाचे विकासात्मक पाऊल

महाराष्ट्राच्या धार्मिक आणि सांस्कृतिक वारशाला एक नवीन उंची देण्यासाठी तसेच पर्यटनाच्या संधींना चालना देण्यासाठी, महाराष्ट्र…

January 28, 2025

महाराष्ट्र शक्तीपीठ महामार्ग – पवनार ते गोवा महाराष्ट्राच्या आर्थिक व ग्रामीण विकासाचा राजमार्ग!